धनगढी – सुदूरपश्चिम प्रदेश सरकारमा नियुक्त भएका तीन मन्त्री र दुई राज्यमन्त्रीले पद तथा गोपनीयताको शपथ ग्रहण गरेका छन्।
नवनियुक्त मन्त्रीहरूमा विक्रम सिंह धामी आर्थिक मामिला मन्त्री, बेलबहादुर राना सामाजिक विकास मन्त्री तथा मानबहादुर रावल उद्योग, पर्यटन, वन तथा वातावरण मन्त्री रहेका छन्।
यस्तै, जुना दानीले आर्थिक मामिला राज्यमन्त्री र मधु भारतीले सामाजिक विकास राज्यमन्त्रीको रूपमा शपथ लिएकी छन्।
शपथग्रहणसँगै उनीहरूले आफ्नो मन्त्रालयको जिम्मेवारी सम्हाल्दै प्रदेश सरकारको कामकारबाहीमा सक्रिय भूमिका निर्वाह गर्ने भएका छन्।
